ភ្នំពេញ៖ នាយករដ្ឋមន្ត្រីកម្ពុជាបានបង្ហោះរូបភាពមួយសន្លឹកនៅយប់ថ្ងៃសៅរ៍ ទី៧នេះអមដោយការប្រកាសស្វែងរកអ្នកដែលអាចដឹងអំពីប្រវត្តិនៃរូបភាពមួយសន្លឹកនោះ។
បើតាមរូបភាពដែលសម្តេចតេជោ ហ៊ុន សែន បានបង្ហោះនោះគឺដូចជាប្រហាក់ប្រហែលសម្តេចអញ្ជើញទស្សនកិច្ចការត្បាញកន្ទេលក្នុងទីតាំងសាលារៀនមួយកន្លែង។
សម្តេចតេជោ ហ៊ុន សែន បានឱ្យដឹងថា "ប៉ុន្មានថ្ងៃមកនេះ ខ្ញុំទទួលបានរូបថតរបស់ខ្ញុំមួយសន្លឹក តែខ្ញុំមិនច្បាស់ថារូបថតនេះថតនៅឯណានិងក្នុងឆ្នាំណា? ក្នុងទសវត្សរ៍ឆ្នាំ១៩៨០ ខ្ញុំធ្វើដំណើរទៅតាមមូលដ្ឋានជាច្រើន តែខ្ញុំបែរជាមិនដែលបានឃើញរូបថតមួយសន្លឹកនេះទៅវិញ"។
សម្តេចតេជោនាយករដ្ឋមន្ត្រីបានសុំឱ្យបងប្អូនដែលបានថតរូបនោះឬបានដឹងអំពីរូបថតនោះ ជួយជម្រាបសម្តេចតាមរយៈចូលទៅរ៉ាយរ៉ាប់ក្នុងហ្វេសប៊ុករបស់សម្តេចតេជោតែម្តង៕
ព័ត៌មានជាច្រើនទៀតសម្រាប់អ្នក
